Einstein: Bibla legjendë primitive

Një letër e shkruar me dorë nga Albert Einstein, në të cilën ai hedh poshtë idenë e Zotit, si një produkt i dobësisë njerëzore, pritet të vendoset në një ankand në një faqe e interneti të shitjeve online. Çmimi fillestar ofertues për letrën ishte tre milionë dollarë.
Sipas REL, Einsteini e shkroi letrën në vitin 1954, një vit para vdekjes së tij dhe ia ka dërguar atë filozofit Eric Gutkind.

Në letrën e tij, shkencëtari e quan “Biblën një koleksion të legjendave të nderuara, por megjithatë, primitive, të cilat janë më shumë se fëmijërore”.

Shitësi anonim i letrës e ka blerë atë në vitin 2008 për 404.000 dollarë nga ankandet Bloomsbury në Londër. Ofertuesit kanë afat deri më 18 tetor për ta blerë letrën.