Te rralla nga bota 2

Te rralla nga bota





















Kurse për prostitucion në Spanjë


Profesioni më i vjetër në botë është bërë zgjidhje për të luftuar krizën.
Në Spanjë afishe të ngjitura nëpër mure ofrojnë kurse për prostitucion për 100 euro dhe sigurojnë një vend pune, raporton gazeta “Rue89”.
Aftësitë e kërkuara: Të jesh e rritur, të kesh një paraqitje të mirë si dhe të mos jesh e marrë, transmeton Albinfo.
Në një shtet ku papunësia prek tashmë 25% të popullsisë, mund të thuhet se një ofertë e tillë bën të mendosh dy herë.
Në Valencia, ku afishet janë shfaqur për herë të parë majin e kaluar, është hapur një hetim për të përcaktuar nëse këto thirrje janë ligjore apo jo.
Pas hetimeve të kryera del në pah se një veprim i tillë nuk jep asnjë dëshmi të krimit, afishet në fjalë nuk u drejtohen të miturave.
Prostitucioni është një aktivitet legal në Spanjë.
Vetëm proksenetizmi si dhe trafikimi i qenieve njerëzore janë të ndaluara.

Dele e çuditshme. Ha barin me kokë mbrapsht



Shikoni pak më afër dhe ju do të vini re diçka shumë të çuditshme në lidhje me këtë dele.
Natyra është sfidante e jetës, ajo është me të vërtetë një dele me kokë mbrapsht të themi, por është e vërtetë, ajo ha barin si gjithë delet e tjera.
Pronari kafshësë pazakontë, pasi ka postuar videon në youtube, insiston se nuk ishte fallco pasi shumë veta kanë pohur se nuk është e vërtetë

Klipi ka ngjallur kureshtje në mesin e mijëra shikuesëve, duke arritu brenda 5 ditëve 50.000 shikime.

Marokeni vret fëmijët e tij, ndëshkoi gruan se hoqi shaminë





Një tragjedi e vërtetë ka goditur një familje marokene që jetonte në Umbertide, provincë e Perugia, Itali. Viktimat e një historie tronditëse ku zakonet fetare ishin shkelur, janë fëmijët Ahmed, 8 vjeç dhe motra e tij, Jiahane, 12 vjeç, ndërsa autori babai Mustafa Hajjaji, 44 vjeç.
Policia konfirmoi se babai i therri me thikë fëmijët e tij dhe më pas tentoi të vrasë veten në shenjë hakmarrjeje ndaj gruas që e la sepse ai nuk ambientohej më mënyrën e jetesës që gruaja e tij bënte në Itali.

Gjithçka dyshohet se ka ndodhur të martën më mbrëmje, ndërsa skena u zhvillua në shtëpinë ku fëmijët jetonin me nënën e tyre. Në dyshemenë e banjos, karabinierët gjetën trupat e fëmijëve pa jetë, ndërsa ishin prerë thellë në fyt.
Babai ndërkaq kishte tentuar të vriste veten duke prerë damarët, por u gjet në kohë dhe u dërgua në reanimacion në spitalin e Castellos.
Para se te kryente krimin, marokeni fillimisht mori gruan e cila punonte në një restorant dhe e njoftoi se do i jepte fund. Ish-gruaja vendosi që të njoftojë policinë e cila shkoi në banesën ku jetonte 44-vjeçari, por atje nuk gjeti njeri. Më pas ata vijuan kontrollin në banesën e gruas dhe fëmijëve ku dhe zbuluan ngjarjen tepër të rëndë.

Duket se gjithçka e ka zanafillën 1 muaj më parë.


Ish- e shoqja e 44-vjeçarit, kishte denoncuar burrin e saj në polici sepse ai e keqtrajtonte. Gruaja 34-vjeç kishte rrëfyer në polici se i shoqi e kishte kërcënuar se do ta vriste me thikë. Sipas gruas, i shoqi e kishte kërcënuar sepse ajo kishte hequr shaminë e kokës.
“Është një tragjedi tepër e rëndë që ka tronditur thelë provincën. Gjetën vdekjen 2 krijesa të pafajshme dhe nga njeriu që duhet ti mbronte nga e keqja, babai i tyre”, tha polici që ndiqte hetimet.

Në shtëpinë e tragjedisë u gjetën shkrime me shkronja arabe të shkruara me gjak, të cilat priten të deshifrohen nga policia.

64 ditë në gjumë





Nikol Delien, 17 vjeç nga Pensilvania (SHBA) ka qëndruar në gjumë për 64 ditë me radhë.
Nikol vuan nga një çrregullim i rrallë i quajtur “Kleine-Levin”, ose ndryshe sindroma e “Bukuroshes së fjetur”.
Nëna e vajzës thotë se kur Nikola kapet nga sindroma e gjumit, ajo fle 18 deri në 19 orë në ditë dhe kur ajo ngrihet për të ngrënë ose shkon në banjë është në gjendje somnambulizmi dhe për këtë arsye nuk mban mend asgjë.

Simptomat e para të sëmundjes u shfaqën kur ajo ishte rreth shtatë vjeç, prindërit e saj kishin shkuar në shumë spitale dhe në shumë specialistë, por për vite askush nuk ka qenë në gjendje të kuptoj se ç’farë problemi kishte vajza, derisa u diagnostikua me KLS në spitalin e çrregullimeve në Pitsburg, Pensilvani.
Sipas mjekëve shkaku i këtij çrregullimi është i panjohur, dhe kryesisht shfaqet tek meshkujt në moshë të re.
Përveç të fjeturës së tepruar, simptomat e tjera që shfaqen janë edhe vështirësitë për t’u orientuar në ambientet e njohura, halucinacionet, sjellje si të fëmijëve, qejf-ngrënie dhe periudha hiper seksualiteti.